Baalenje hät nu jele Täärpsbrede mä uk Seeltersk deerap

Baalenje hät fergene Wieke ächte Täärpsbrede kriegen. Mä do oolde gräine Buurskupsskildere is et ute. Tougliek is et uk mä düütske Eentoaligaid foarbie, do näie Brede sunt, so as alle jele Täärpsbrede in’t Seelterlound twotoalich: buppe Düütsk, deerunner wät litjer Seeltersk.

Apfalen dädt, dät ju Meente dän Nome “Baalenje” kädden hät. Ju Uutsproake fon do Ienwonere is ruuchwäch “Baaljnje” un in’t Woudebouk fon Fort fint me “Boaljene” (ätter’t Roomelster) un “Baaljene” as skrieuwwiezen.

Mäd do näie Brede kon in’t Näibaurebäit fon Baalenje bie dän Kenoal n Tempo-30-Sone ienstaald wäide. Wietsound hät two Jiere tourääch mäd dän sälgen Gruund uk twotoalige jele Skildere kriegen.