Finale fon’n Seelter Lezewädstried

Täisdai wier in Roomelse dät Finale fon’n jierdelkse Seelter Lezewädstried. Do Winnere fon do Lezewädstriede fon do fjauer Gruundskoulen, fon ju Grote Skoule un fon’t Gymnasium trieden juun enuur an.

Organisierd wuud die Wädstried fon do Skoulen in’t Seelterlound un fon ju Ooldenburichske Loundskup, mäd Stöän fon ju LzO. Foaraal Hanna Remmers, Ingeborg Remmers un Sarah-Christin Siebert häbe iezeld, uum alles bietieds ap Stede tou kriegen.

Do Jury-Liede Miriam Kösters, Marion Erdmann, Ina Wallschlag, Julia Kinast, Mechteld Kruse un Gaby Henken heerden heel kräkt tou, wo do Bäidene dät Seeltersk uutboalden un wo jo sik präsentierden.

Do allerbäästen in’t Seeltersk-Lezen wieren dit Jier:
– Mia Tameling fon ju Litje Skoule Skäddel (träde Klassen)
– Luis Wilkens fon ju Gruundskoule Roomelse (fjode Klassen)
– Luca Eberhard fon’t Laurentius-Siemer-Gymnasium (fiefde/säkste Klassen)
– Lena Blechschmidt fon ju Grote Skoule in Roomelse (oachte bit tjoonde Klassen)

Dät Seeltersk-Kontoor glukwonsket aal do Winnere un betonket sik bie ju Organisaatsje foar hiere Oarbaid.