Ingeborg Remmers krigt Verdienstkreuz

Ingeborg Remmers hät Moundai fon dän Ministerpräsident fon Läichsaksen n wichtigen Orden kriegen: dät Verdienstkreuz am Bande. Ju Koasterske uut Strukelje, ju int Seelterlound n Begrip is, hät dän Orden kriegen foar hiere loangjierige Oarbaid foar ju Seelter Sproake.

Ingeborg Remmers hät n Skoulklasse, wier Seeltersk as Unnergjuchtssproake bie ferskedene Feke bruukt wädt, apgjuchted. Ju organisiert uk aal Jiere n Lezewedstried, ju hät Leerbouke foart Seeltersk skrieuwen un noch fuul moor.

Die Ministerpräsident waas in n Juni noch int Seelterlound ap Fizziete. Do hät r uk ju Litje Skoule Skäddel besoacht, weer Skoulere fon Ingeborg him truch n litjet Teaterstuk un wäkke Läidere ju Seelter Toal wiezed häbe.

Bie dät Uurreken in Hannover wieren fonsäärm ferskedene Kollegen un uurse Seelter meekemen. Hier sjo Jie wäkke Fotos fon dät Uutreken fon dän Orden:

Fotoquelle: niedersächsische Staatskanzlei