Louisa Tepe un Feemke Janßen sunt do bääste Foarlezere fon Strukelje

Disse Wieke hät uk ju Marienskoule in Strukelje n Lezewädstried ap Seeltersk heelden. 25 Bäidene uut ju träde un fjode Klasse moakeden mee. Louisa Tepe wier inne träde Klasse un bääste un Feemke Janßen inne fjode Klasse, fuunden do Jury-Liede Marianne Pahl, Margot Tameling, Mechthild Kruse un Magda Noormann.

Twede Prieze roate et foar Erekle Maier (3. Klasse) un Lorin Imisci (4. Klasse). Träde Prieze genen ätter Rahel Duwe (3. Klasse) un Amy Ulpts (4. Klasse). Ap ju Bielde hier boppe sjo Jie do Winnere, ju Jury un do Koastersken Lisa Deeken un Monika Olling.

Dän 9. Moai fertrede Louisa un Feemke hiere Skoule bie’t Finale in Roomelse, wier Bäidene fon alle fjouer Seelter Gruundskoule juun’nunner antrede.