Snidje-Ieten mäd ‘n Seelter Buund

Sneeuwende kuud me bie Hans-Gerd Vocks Swinneflaask, Tuvvelke un Gemöis iete, ‘n Bjoor of ‘n Kuten drinke un sik mäd ure Seelter unnerhoolde. Su’n 200 Ljude wieren kemen. Die Organisator wier die Seelter Buund. Die stoalt dät älke two Jier appe Bene. In dät Jier deertwiske organisiert die Buund dät Tuvvelkefäst.

Die Foarsitter Stephan Dannebaum fertälde Sneeuwende, dät ju Stede fon Seeltersk-Beapdraagde Henk Wolf nu “entfristet” is. Wolf wier as Gaast bie dät Ieten deerbie.

Wolf is aiske bliede, dät ‘r deerbie weze doarste. Hie kwädt: “Et wier gans plezierdelk. Iek fiende et baldoarich, wät die Seelter Buund aal appe Bene stoalt, älke Jier wier. Stoarich wier do Seelter bienunner tou brangen, dät is so wichtich. Iek nieme dän Houd deerfoar ou. Wo wichtich dät is, sjo wie eeuwelch, deer sunt troch ‘n bitje mädnunner tou balen al sofuul näie Ideen uuntsteen, so as ‘n Seelter Spiele-Eeuwend un ‘n Seelter Kursuswieke foar Familie.”

Moor Bielden fiende Jie ap ju Website fon ‘n Seelter Buund:
https://www.seelterbuund.de/bielden/

Bielde: Elisabeth Sibum