Uutstalenge uur Toalminderhaiden in Berlin
Inne Bau fonne düütske Buundesdai kon me fon dälich ou ju Uutstalenge uur do toalminderhaiden in Düütsklound besäike. Do Noud- un Seelterfräizen, do Sorben, Dänen, Plattdüütske un Sinti un Roma wäide aal foarstaald. Et is ne interaktive Uutstalenge, me kon do Ljudene ap Video bekiekje un hiere Toalen here. Uk wäide Bätegruunde uur do Kulture fonne ferskedene Truppen roat.
Die Minderhaidenräid hät ne wichtige Rulle in ju Organisation fonne Uutstalenge spield. Foar do Seelter häbe foaraal Johanna Evers un Karl-Peter (Kalle) Schramm sik aiske iensetten däin.
Ju Uutstalenge blift bit dän 8. April in Berlin. An enigen Degen kon me ju Uutstalenge uk mä en Fierer(ske) besäike. Ätterdeem gungt ju ap Raize truch Düütsklound.
Video: Deutscher Bundestag