Wier so n Hollounder?

Henk Wolf, 22.12.2020

Dät Seelterfräisk is fonsäärm to allereerst ju Toal fonne Seelter, oaber uk fon wied wai interessierje sik mongs Ljude foar ju lääste Variante font Aastfräisk, ju et noch rakt. Di Amerikaner Marron C. Fort is n bekoanden Noome foar elkuneen, di sik mäd et Seeltersk befoatjen dät. Uk uut e niederloundske (do Seelter kweede ‚holloundske‘) Provinz Fryslân kuume altid wier näie Ljude, do ju Toale leer wollen, ju hier oain Frysk so liket.

Pyt Kramer fon Mildaam is fonsäärm di bekoandste Wäästfräis in ju Lieste un t is hoast nit to beskrieuwen, wät hi aal moaket hät. Läästens saach ik, dät n jungen Wäänt uut Ljouwert, Dyami Millarson, di al n Ruuf hät wil er litje Wäästfräiske Dialäkte studieret, ieuenso Seeltersk leert un sien skrieueraien int Internet staalt. Dät skäl me loovje! Ik lieuje, dät ‚meine Wenigkeit‘ wäil uk räpt wäide skäl.

Oaber ik moate heer fon uurs aan kweede: Wolter Jetten, gebooren apt Hearrenfean. Wolter un ik kanne enuur al loange, uut e Tied as we bee bie e Juugendbuund Frysk Ynternasjonaal Kontakt drok wieren. Doo al häbbe wie uus bee foar do interfräiske Kontakte interessieret. Ik häbbe toeerst Noudfräisk leerd,Wolter Seeltersk.

Bee häbbe wie mäd do uurse Fräiske Toale wät moaket: ik häbbe bie de Hoogskoule in Ljouwert Noudfräisk unnergjuchted, Wolter Seeltersk. Deer hi fonsäärm neen Leerbouke foart Seeltersk ap Wäästfräisk hiede, hät er säälich een skreeun: ‚Sealterfrysk foar begjinners‘, dät ap n Muster font Nordfriisk Instituut basiert. Ik häbbe biet Skrieuen so n Bietje meeleesen un ik kon kweede, dät et n froai Bouk wäiden is.

Oaber Seelter Fjuunde, kwät nuu nit: wier so n Hollounder! Wan Wolter een Seeke wildääge nit heere moate, an is et, dät me him n Hollounder namt. N stolten Wäästfräis is hi!

3 thoughts on “Wier so n Hollounder?

  1. Moi Henk,

    Schiere webstee! Ik wèens joe veul succes met ‚t Saterfreeis. En as een Drent directeur worden kan van de Stellingwarver Schrieversronte, dan kun jij as Westfreeis joe gangs holden met ‚t Saterfreeis.

    Beste,

    Abel

  2. Hoi Henk (en Wolter) !
    Moaie webside hast opsetten en ik ha alwer allegear nije dingen oer it Seelterfräisk leard. En ekstra ynteressant om’t ik mei koarten tichtby wenje sil.
    Groetnis,
    Hester

  3. Dot sócht der mar bask út, Henk! Sóhet soeden wy ek jitte ris fôr de tael fan ’e likje stea hewwe mutte! As yk jitte het minder slepe kôst of yk soed hûndert worde en myn ferstaand derby haalde, den soed yk it sem graich dwaen. Mar beide ys naat sófúle kaans op.

Comments are closed.